In streektaalmaond meert wordt jaorlijks de Waeke van het ‘Achterhoekse en Liemerse Boek’ ehollen. Ter gelaegenheid daorvan wordt ’t kadobuukske Flonkergood uut egeven. Dit beuksen boordevol streektaalverhalen en –gedichten wordt cadeau egeven a-j in den Waeke ‘n boek in de streektaal of aover de streek anschaft in Achterhoekse en Liemerse boekhandels. De kommende editie van Flonkergood hef as thema ‘Greun’ met ekregen.

Greun
Greun, wat maakt disse kleur in oe los. Is ‘t oew favoriete kleur of denk iej dat ‘t grös bie de buren altied greuner is. Bu’j bange veur ‘n greun beest? Denk iej wel ‘s terugge an de tied da-j zelf nog zo greun as grös waren? Der bunt associaties genog bie disse kleur te bedenken.
Kortumme: ‘n thema dat genog inspiratie kan opleveren!

Insturen
Iederene dee ‘n mooi verhaal of gedicht – natuurlijk in ‘t dialect – hef eschreven aover dit thema, wordt van harte uut eneudigd um ‘n biedrage in te sturen. De beste verhalen wordt eplaatst in Flonkergood 2023. In de veurige jaorgangen stonnen der elke keer ruum twintig verhalen in ‘t kadobuukske. ‘n Antal auteurs wordt uut eneudigd um eur verhaal veur te dragen tiedens de aftrap van ‘Waeke van ‘t Achterhoekse en Liemerse Boek’ in meert 2023.

Belangriekste veurwaarden:
- De verhalen bunt eschreven in één van de Achterhoekse of Liemerse dialecten;
- Elke deelnemmer mag maximaal dree verhalen/gedichten insturen;
- De lengte van een verhaal is maximaal 500 weurde. Gedichten max. 32 regels,
incl. witregels. Langere teksten wordt neet in behandeling enommen;
- Biedragen könt töt uterlijk 1 november 2022 as word-document en per e-
mail worden in estuurd naor: info@ecal.nu.

Meer informatie:
‘t Volledige reglement waoran inzendingen van Flonkergood mot voldoen, kö-j vinnen op www.ecal.nu/flonkergood. Veur meer informatie kö-j contact opnemmen met
Erfgoedcentrum Achterhoek en Liemers,
telefoonnr. 0314 - 78 70 78, e-mail info@ecal.nu.